Serigrafia ehunean

Estanpazio-metodo honen bidez pantaila baten saretaren bitartez irudi bat transferitzen da ehunezko gainazal batean erreproduzitzeko. Errasketa baten laguntzaz, tinta aipatutako sareta edo txantiloia zeharkatuz pasatzen da ehunera.
Teknika honen ezaugarri nagusia da moldakorrena dela tintak eta koloreak erabiltzeari dagokionez. Edozein ehunen gainean itsasgarritasun eta iraupen handiena ematen duen teknika da.
Teknika honekin emaitza paregabeak lortzen dira, eta, gainera, tinta ezberdinak erabil daitezkeenez, era askotako efektuak eta akaberak lor daitezke, begiratu eta ukitu hutsarekin nabaritzen direnak.  
Prozesua, mekanismo ezberdinen laguntzaz, eskuzkoa edo automatikoa izan daiteke, eta bertan funtsezkoak dira serigrafoaren edo serigrafistaren esku-hartzea, esperientzia eta trebezia. Teknika honen artisautza-alderdia, beraz, handia da, eta akabera guztiz profesionala da.
Jaka, kamiseta, alkandora, telazko poltsa, motxila, kirol-jertse edo antzeko batean irudi bat estanpatzeko serigrafia erabiltzeak hainbat abantaila ditu, eta hauek dira nagusiak:

• asko garbitu ondoren sendoen irauten duen inprimaketa da
• espero den kolorearen oso antzekoa lor daiteke
• ukitzeko aukera ugari eskaintzen ditu
• sentsazio optikoekin joka daiteke: bilbadura, distira, matea…

Ehun-konposizio tradizional askotan inprima daiteke: kotoia, kotoia + poliesterra, poliesterra, nylona, biskosa, artilea, likra, poliamida, neoprenoa, distira emandako ehunak, PVCa, etab. 
Hauxe da gomendagarriena koloreak eta planoak dituen diseinuaren kasuan, eta sorta handiak badira, horrela errentagarriagoa baita.